Weißwuaschdgedicht

Unsa`Weißwuascht
Da Mosa Sepp, a so is gwen,
hod brocht de Weißwuascht in unsa Lem;
An foischn Darm hoda miassn hernemma,
sonst wad eam des guade Brat doch glatt vakemma;
Seitdem ess mas, wia se des ghead,
zu jeda Zeit- ganz unbeschwead;
A 12-15 Min. soits im hoassn Wossa schwimma,
dann kinnts as perfekt afs Della bringa;
Mim siassn Senf, so soid mas essn
ois Andane kinnts eh vagessn;
Mid na frischn, reschn Brezn vom Begga
wird’s nomoi so guad schmegga;
Drunga wiad dazua a Hoiwe Bier oda a zwoa
des erklärt se eh vo ganz alloa;
A guada Schmaz und a wenigal a Zeid,
fian Mosa Sepp wad des a gscheide Freid;
Martina Adam